هل المسيح كانت تعوله النساء؟
يُعقل يكون محتاج نسوة تعوله؟ لكنى سأجاوب على السؤال
هل كان السيد المسيح بتعوله النساء؟
(سؤال وجواب من لوقا ٨: ٣)
س: الآية بتقول إن النساء “كنّ يخدمنه من أموالهن”، هل ده معناه إن المسيح كان محتاج إعالة؟
ج: لا، النص لا يقول كده لا صراحة ولا ضمنًا. الآية تتكلم عن خدمة نابعة من محبة، مش عن إعالة لشخص محتاج.
س: طيب إيه معنى كلمة “يخدمنه” في الأصل اليوناني؟
ج: الكلمة هي διηκόνουν من الفعل διακονέω،
ومعناها: يخدم، يساند، يعتني، يهيّئ الاحتياجات.
نفس الكلمة استخدمت عن الملائكة اللي خدمت المسيح بعد التجربة، وعن حماة بطرس لما قامت وخدمتهم، ومفيش أي معنى فيها للإعالة أو الفقر.
س: وماذا عن عبارة “من أموالهن”؟
ج: النص اليوناني بيقول: ἐκ τῶν ὑπαρχόντων αὐταῖς
يعني: من ممتلكاتهن، مما كان لهن.
وده يوضح إن العطاء كان اختياري ونابع من حب، مش فرض ولا ضرورة.
س: هل ده يتفق مع صورة المسيح في باقي الإنجيل؟
ج: طبعًا. المسيح هو اللي أطعم الجموع،اكثر من 5 الاف رجل عدا النساء من خمس خبزات و سمكتين
ودفع الجزية من فم السمكة،
وكان مع التلاميذ صندوق منظم للخدمة.
الإنجيل لا يقدم لنا مسيحًا محتاجًا، بل مسيحًا واهبًا.
س: طيب ليه لوقا ذكر النساء بالتحديد؟
ج: لأن لوقا مهتم يبرز إن الملكوت مفتوح للجميع،
وإن النساء ليهن دور حقيقي في التلمذة والخدمة،
وده تصحيح لنظرة المجتمع مش تقليل من المسيح.
س: هل نقدر نقول إن النساء كانوا شركاء مش ممولين؟
ج: بالضبط.
النساء دول كانوا شركاء في الرسالة،
بيخدموا، بيحبوا، وبيقدموا اللي عندهم بحرية.
من الاخر كدة
السيد المسيح لم يكن بتعوله النساء،
لكن النساء كنّ يخدمنه بمحبة.
المسيح لا يحتاج،
لكنه يقبل العطاء ليقدّس القلب اللي بيدي.
*************************
اعداد / امجد فؤاد
موسوعة الديانة المسيحية
ليست هناك تعليقات:
إرسال تعليق