+ ظهور صورة وجه المسيح على حيطان في دير مهجور :
في دير مهجور في بيلاروس، حصلت حاجة تخلي أي حد يقف مذهول… حاجة تحدّت الزمن، وكأنها رسالة من السماء!
في دير رقاد السيدة، اللي كان زمان مكان مقدس وبقى مجرد أطلال، كان فيه حيطان قديمة اتغطت بالتراب والنسيان. سنة 1942، مجموعة طلبة في مدرسة داخلية كانوا بيزيلوا لوح خشب قديم عن الجدار… وفجأة، وقفوا مكانهم مصدومين!
وجه المسيح ظهر قدامهم، بملامحه الواضحة، مش مرسوم ولا محفور… لكن كأنه المطر شكّله بنفسه!
الخبر انتشر، والناس بدأت تيجي من كل مكان، لكن السلطات اللي كانت مسيطرة وقتها ماعجبهاش اللي بيحصل… جابوا عمال وكشطوا الجدار، غطّوه بطبقات الجير، وافتكروا إنهم قضوا عليه للأبد.
بس لما نشف الدهان… المفاجأة اللي خلتهم مرعوبين حصلت! الوجه ظهر تاني… وكأنه مطبوع على الحجارة نفسها!
لكن الأعجب من كده، إن راهب بسيط اسمه يوسف كان محتفظ بصورة قديمة للجدار ده، صورة فوتوغرافية عادية… لحد ما حصلت معجزة جديدة! الصورة نفسها بدأت ترشح زيت مقدس!
وجه المسيح اللي ظهر على الجدار… ما اختفاش ! وكأنها رسالة لكل الدنيا:
"مهما حاولتم… نوري مش هينطفي أبداً!"
*********************
اعداد / امجد فؤاد
موسوعة الديانة المسيحية
ليست هناك تعليقات:
إرسال تعليق