+ قصة برنابا القمص روفائيل الذي علم بمعاد نياحة قبلها بسنة كان يفعل اشياء عجيبة :
منقول من الأب روفائيل والد الشماس برنابا
في تذكار نياحة إبني الحبيب الشماس برنابا القمص روفائيل عطية .قيل عنه ...
شاب صغير توفي في ٢٠٠٥/٧/١
أسمة برنابا ... والده كان أب كاهن أسمة أبونا روفائيل
كان فى الثانوية العامة ,,,,
الولد دة عرف يوم نياحتة قبلها بسنة خلال السنة
كان بيعمل حاجات عجيبة جدا
أولا :هو من وقت مادخل الثانوية وهو بيتألق من سنة اولى لسنة ثالثة ,, فى يناير فى أول السنة لما جابو النتيجة علشان يعلقوها فى البيت قال لوالدتة بلاش تعلقوها دلوقتى خالوها لحد يوم 30/ 6 فقالت لأبونا فهمت انة علشان أمتحانات الثانوية العامة
فى يوم عيد ميلادة فى مارس والده قاله عاوزين نعمل لك حفلة,,, قالةلأ يابابا بعد لما أخلص الامتحانات الأنبا متاؤس هايجي ويعمل لى حفلةكبيرة قوى فى الآسكندرية ودة فعلا حصل عمليا وأن الأنبا متاؤس هو الى صلى علية و 130 أب كاهن وكل الآسكندرية أتقلبت .....
لم يقل بعد ما أنجح لأ قال بعد ماأخلص الأمتحانات هايجي الأنبا متاؤس يعمل حفلة كبيرة قوى لي أبونا قاله تحب أجيب لك هدية فى عيد ميلادك قالة لأ يابابا أنا هديتى تعمل لى قنديل فى أوضتى وتكثر البخور وفعلا عمل له قنديل فى أوضتةحضرة أخوة ووالدته
أخر يوم فى الآمتحانات خلصوا الآمتحانات فنزل مع زملائة يتفسحوا فراحوا كارفور أشتروا حاجات وفى أخر الجولة أصحابة قالوا لة تعالى ندخل السينما,,,,فرفض ,,, أصحابة قالوا له أنت بتغلس علينا قالوا لة خلاص هانعمل خروجات طول الصيف ومش هانخدك معانا ,,, قال لهم أنا مش هاجى معاكم وروح البيت بس ضميرة تعب أنه زعل زملائة فسأل أبونا أذا كان اللى عمله ده غلط قال له لا أبدا أنت عملت حاجة كويسة أن مادخلتش معاهم السينما ,,, قالة بس هما زعلوا فأبونا قال له خلاص صالحهم بالتليفون ,,,, اتصل بكل واحد وصالحهم ,,, فقال لة لأ أنا هاروح أصالحهم بنفسى فات عليهم كل واحد فى بيتة يعتذر لهم كأنة بيودعهم لأنة تانى يوم تنيح
وبعدين دخل
الكنيسة يصلى مع زملائة وقالوا امبارح كان بيقول معنا صلاة الغروب وهو الى كان علية القطعة بتاعة ,,,, عند خروج نفسى من جسدى أحضرى ,,, بيقولوا قالها بطريقة عجيبة خلتنا كلنا أهتزينا معرفناش لية بيقولها كدة ,,,,,,,
روح البيت والدة بيقول للأنبا رافائيل ,,, أنا لاقيت وشة منور بطريقة غير عادية فوالدة بيقول لة ياواد أنت أحلويت كدة لية؟؟؟,,, قالة ولسة أنت لسة ياما هاتشوف ,,,, قال أنه أخد الكلام بهزار على أن الولد يعنى مبسوط أنه خلص امتحانات ,,,,وان كلمة ياما هاتشوف دى كلمة هزار,,,
وبعدين قال لة بابا ممكن تاخدنى فى حضنك خمس دقايق ,, والده أستغرب قوى لأن دى أول مرة يطلب طلب زى ده فأخدة فى حضنة وبعدين راح لوالدته وقال لها خدينى فى حضنك ياماما,,,هو تخين شوية معرفتش تاخده فى حضنها فقالت له ياواد أنت كبرت علي ,,,قال لها معلش أنا هادور على حضن أكبر من حضنك ..... برضة اخدوا الكلام ده
على أنة هزار بيقول
فى الشهر الآخير قبل مايتنيح فوجئوا بيه بيعمل حركة غريبة بيمسك الصليب وبروح لأخوة الأكبر ويقول له تعالى أباركك وبروح لوالدته فتقول لة ياواد أيدك تقيلة علي معلش ياماما بس أستحملينى لغاية يوم 30/6 بعد كده مش هاحط ايدى عليكى تانى خالص ...
برضة هما فاهمين أن كل دة علشان الأمتحانات
فى ليلة ماأتنيح قعد مع اخوة فى أوضته للساعة واحدة ونص يدردشوا مع بعض فقال لأخوة سيبنى بقة شوية علشان انا مش فاضى قالة لة أنا مش عاوز أنام خلينى قاعد معاك شوية ,,, قالة له لا سيبنى شوية علشان عندى حاجة مهمة عاوز أعملها قال لة وراك اية هاتصلى ,,, قالة له أه أخوه قاله طيب هاسيبك نص ساعة وأرجع لك تانى قال لة لأ ماتجيش قالة له ليه ,, قال لة عندى حاجة مهمة خالص قالة حاجة أهم من الصلاة قالة له أيوخ اخوه قاله فى أهم من الصلاة؟؟؟ قالة عندى حاجة أهم سيبنى دلوقتى ,, فخرج وقفل على نفسة الباب وبعد كده,,
الساعة اربعة الفجر أبوه صحى علشان يصلى فعدى من قدام الأوضة بتاعته شاف النور منور ففتح الباب ونده عليه برنابا أنت لسة صاحى ؟؟؟,,,, ماردش خبط ودخل لقاة قاعد على السرير ورجلية مدلدله وظهره نايم على السرير والأنجيل مكفى على صدرة والنظاره فى عينة ,,,, والده قالة اية ياواد ده فى حد ينام بالطريقة دى ؟؟؟ أنت ياواد أصحى ,,, فمد وسحب الأنجيل من ايدية وحطة على الكوميدينو وقعد يهز فيه لقاه مش بيتحرك ,,, بيهزه
لقاة تنيح ,, أسلم الروح
عملوا الجنازة ورجعوا البيت أخوة بيدور فى أوراقة لقى أجندة مكتوب
عليها ,,, ممنوع حد يطلع عليها ,, فأبونا اتصل بقداسة البابا قالة حاللنى ياسيدنا ينفع نفتحها ,, قالة قداسة
البابا طالما هو اتنيح يبقى ينفع فتحوها وجدوا أنه كاتب فيها بالتاريخ يوم نياحتة ,,,,,,وكان كاتب
فيها:" ياربى يسوع المسيح ماتخلنيش أخاف من اللحظة دى وياست ياعدرا
لازم تكونى حاضره وتجيبى معاكى قديسين كتير
وملايكة كتير علشان وأنا خارج أكون فى حضنهم" ...
وحاجات تانية كتير
وكمان أخر يوم فى أمتحانة طلع كل الفلوس الى عندة وأداها لوالده قاله
خد الفلوس دى وزعها على الآديرة ,,, أخوة قال لة طيب أستنى لما
النتيحة تظهر وابقى أنت أوفى الندر ,, قال له
ماخلاص النتيجة ظهرت وأنا نجحت وجبت ,,, 205 من 205
أليس هذا نموذج للطهارة والقداسة متاحة فى هذا الجيل
سِرُّ الرَّبِّ لِخَائِفِيهِ، وَعَهْدُهُ لِتَعْلِيمِهِمْ."
(مز 25: 14).
*************************
اعداد / امجد فؤاد
موسوعة الديانة المسيحية
