+ سيرة رجل من السواح عم : "نصحي رياض مجلع" :
🌹حياتة :
الاسم : نصحي رياض مجلع خليل ابو حنس
- ولد بمركز اخميم محافظه سوهاج
- تاريخ الميلاد :٣ /٨ / ١٩٣١
- كان من اسره بسيطه .ابوة كان فاتح محل صغير يصلح الفضة والذهب بالصاغة باخميم
- العمل: يعمل فاعل يخمر مونة ويهز الرمل مع مقاول مسيحى اسمة محروس خليل يوسف البنا من سوهاج
- عايش فى حجرة فى منزل المقاول محروس من سنة ١٩٦٣م ومن حبه فيه خصص له شقة فى بيته إلى يوم مماتة
- مات فى ١٠ يناير سنة ٢٠١٩م ودفن بدير الانبا شنوده بسوهاج
🌹صفاتة :
- هذا الراجل كان يعيش في العالم مثل الانبا رويس .
- اعزب ولم يتزوج
- هادي الطبع
- كان يعيش حياه التقشف والزهد الشديد. كل ما يملكه فى الدنيا جلابيه قديمه مهلهلة وممزقه على جسمه وشال بسيط وكان كتيرا يمشي حافي في الصيف او الشتاء..
- كان دائما يتردد على كنيسه مارجرجس بسوهاج والاديره في اخميم
- كان له علاقه بالسيده العذراء مريم والقديسين والسواح وكان يصلي معهم في الجبال
- بيتشفع بالقديس برسوم العريان ويحبه جداء وكان بيسلم على الناس ويباركهم بقوله "بركة القديس العظيم برسوم العريان قديس القديسين مؤمن المؤمنين حكيم الحكماء تكون معاك وتنجيك من كل ضيقة قول امين"
- كان ناسك من الدرجه الاولي
- كان له طقس خاص في حياته من حيث الملبس والماكل والمشرب
كان معلم فى الكنيسة
- كان له صوت روحي جميل معزي في الترانيم والالحان
- كان بيقبل صدقة وفلوس من ناس معينة ويوزعها علي ناس فقراء محتاجيين هو يعرفهم
- كان كثير من الناس فى الكنيسة بتحرص تاخد بركته
- كان يتقبل الاهانات والشتائم من الناس كتير فى الشوارع .بكل حب وسلام
- بيقول للناس انا ابن الملك
- ايامه الاخيرة كان مداوم علي القعدة عند المطرانية بسوهاج
- يوم نياحة :
- توفي فى١٠ يناير ٢٠١٩م
- الانبا باخوم مطران سوهاج كان يعلم ان عم نصحى قديس واقام صلاة الجنازه عليه عدد من الكهنه وتم الدوران بالجسد حول المذبح ثلاث مرات ودفن بدير الانبا شنوده بسوهاج
🌹معجزاتة :
وله العديد من القصص والمعجزات
- يقول الاستاذ بيشوى رفعت البنا حفيد المقاول محروس ان عم نصحى له معجزات مع كل واحد فى عائلته وكان هذا المقاول بسيط وامكانياته الماديه قليله وفجأة بعد عمل عم نصحى معه انهال عليه الخير والثراء بطريقه عجيبه وعرف ان هذا الخير بسبب عمل عم نصحى معه وبنى عمارات وقرر ان يعطى شقه كامله لعم نصحى يعيش بها بالرغم ان عم نصحى لم يتزوج واوصى اولاده من بعده ان يظل عم نصحى فى هذا السكن حتى انتقاله وهذا ماحدث حيث تنيح فى هذا السكن
- واحد بيحكى عن عم نصحى وبيقول كنا رايحين دير الأمير تادرس المشرقى وكان يوم احد وكان اخر اتوبيس يطلع من قدام الكنيسة وحاول يركب معانا بس المشرفة اللى كانت مسؤلة عن الدير الأستاذة سناء رفضت رفض تام انة يركب وحاولنا معاها كتير لكنها اصرت على الرفض وهو قال بصوت عالى خلاص مش مهم انا اركب معاكم يلا توصلوا بالف سلامة الدير واتاسفنا لة ومشينا بس اللى حصل كان اكبر من كدة وصلنا الدير ولقينا عم نصحى لابس شماس وصل قبلنا رغم انة كان اخر اتوبيس ومفيش اى حد معاة ..
- يحكى شخص آخر اناشفت واحده خرجت من منزلها وكان قدام كنيسة العدرا بالمراغة وكان عم نصحى واقف عند الكنيسه وركبت عربيتي بعد ربع ساعة كنت في سوهاج وعند ميدان الاوبرا لقيت عم نصحي ماشي وبصلي انا كنت مفزوع كيف وصل معايا ومع العلم الموقف يبعد عن الكنيسة بربع ساعة مشي
ربنا ينيح روحة كان ملاك وقديس فى ووسطينا
بركه صلواته وشفاعتة تكون معنا امين.
************************
اعداد / امجد فؤاد
موسوعة الديانة المسيحية
ليست هناك تعليقات:
إرسال تعليق